Usajili wa Drogba wapingwa na klabu yake

Klabu ya Shanghai Shenhua imesema kuwa Didier Drogba angali mchezaji wake na kuwa uhamisho wake hadi klabu ya Galatasaray inakiuka masharti ya mkataba wake. Mchezaji huyo wa zamani wa Chelsea, amesaini mkataba wa miezi kumi na minane na klabu ya Galatasaray inayoshiriki katika ligi kuu ya Uturuki. ''Tumeshangazwa sana na tangazo hilo'' Klabu hiyo ambayo ilimsaini Drogba kwa mkataba wa miaka miwili na nusu mwezi Julai mwaka uliopita, imesema. ''Drogba angali mchezi wa klabu ya Shanghai Shenhua kwa kuwa mkataba kati yao bado haujakamilika. Klabu ya Galatasaray siku ya Jumanne ilitangaza kuwa Drogba atajiunga na klabu hiyo baada ya kukamilika na mashindano ya kuwania kombe la mataifa ya Afrika yanayoendelea nchini Afrika Kusini. Lakini Shenhua imepinga uhamisha huo na kussema kuwa liko tayari kuwasilisha malalamishi yake ya shirikisho la mchezo wa soka duniani FIFA. Mchezaji hiyo mwenye umri wa miaka 34, kwa sasa yuko nchini Afrika Kusini kuiongoza kikosi cha Ivory Coast katika mashindano ya kuwania kombe la mataifa ya Afrika. Kwa mujibu wa ujumbe uliotumwa na kampuni ya uhusiano bora inayomuakilisha mchezaji huyo Sports PR Company na kuchapishwa kwa mtandano wa kijamii wa Twitter, Drogba alisema anajiandaa kurejea tena katika michuano ya kuwania kombe la klabu binga barani ulaya kwa mara nyingine. Galatasaray imefuzu kwa raundi ya muondoana ya kuwania kombe hilo na imepangiwa kucheza na FC Schalke 04 kutoka uUjerumani. ''Hii ni fursa nzuri ya kuichezea timu kubwa na ni nafasi ambayo siwezi kupuuza'' Alisema Drogba. Shenhua yapata pigo Wesley sneijder Agenti wam mchezaji huyo amesema, Drogba atajiunga la klabu hiyo ya Galatasaray baada ya kukamilika kwa michuano ya kuwania kombe la mataifa ya Afrika. Drogba ni mchezaji wa pili wa hadhi ya juu kusajiliwa na Galatasaray baada ya Wesley Sneijder aliyejiunga na klabu hiyo kutoka klabu ya Inter Milan. Drogba alijiunga na Shanghai Shenhua mwezi juna mwaka uliopita na ameifunga jumla ya magoli manane baada ya kucheza mechi kumi na moja. Awali Drogba alitaka kurejea Ulaya kwa mkopo na klabu yake ya zamani ilikuwa imeanzisha mazungumzo ya kumsajili. Lakini shirikisho la mchezo wa soka duniani FIFA lilipinga uhamisho huo, likisema kuwa linakiuka sheria za kimataifa kuhusu uhamisho na usajili wa wachezaji. Mchezaji mwingine wa zamani wa Cheslea Nicolas Anelka huenda pia anajiandaa kukihama klabu hiyo ya Shenhua, baada ya kufanyiwa uchunguzi wa kimatibabu katika klabu ya Juventus.